Այսօր՝ մայիսի 1-ին, ԱԺ-ում հրավիրվել է հատուկ նիստ՝ քննարկելու ՀՀ վարչապետի պաշտոնում «Ելք» խմբակցության կողմից առաջադրված Նիկոլ Փաշինյանի ընտրության հարցը:
«Ծառուկյան» խմբակցության պատգամավոր Շաքե Իսայանի հարցը՝ ուղղված Նիկոլ Փաշինյանին, առնչվում էր Ոստիկանության, ԱԱԾ-ի՝ վարչապետին ենթարկվելու հարցին. «Ձեր դաշինքի կողմից տեսակետ հնչեց, որ փորձ է արվում ստեղծել սուպերվարչապետական միահեծան կառավարման համակարգ: Ինչպիսի՞ քայլեր կձեռնարկեք, որպեսզի ուժային կառույցները բերվեն ԱԺ հաշվետվության դաշտ»:
Ի պատասխան Նիկոլ Փաշինյանն ասաց, որ ինքը հանձնառու է այդ խնդիրը շտկելու և իշխանությունը հավասարակշռված դարձնելու. «Սուպերվարչապետական համակարգը պետք է վերանա»:
Շաքե Իսայանը ճշտեց. «Այսինքն՝ մեկ անձի որոշումից կախված ուժային կառույցները կբերվեն խորհրդարանական հաշվետվության դաշտ և այսպիսով լիարժեք կդարձնեն խորհրդարանական համակարգի մոդելը»:
Մանրամասները՝ տեսանյութում: