«Սերժ Սարգսյանը ուղիղ եթերով խոստովանեց, որ ինքը Մարտի 1 է կազմակերպել և սպառնում է նորից մարդկանց վրա կրակել»,- «Առաջին լրատվական»-ին հայտնեց «Ելք» խմբակցության պատգամավոր Արարատ Միրզոյանը:
Նրա խոսքով՝ Սերժ Սրագսյանը իրավիճակի ադեկվատությունը կորցրած, իրավիճակը չգնահատող, Հայաստանի համար վտանգավոր մարդ է այլևս. «Ով որ նրա կողքին է, արագ հեռացրեք նրան իշխանությունից»:
Հարցին՝ ուժ կիրառվելու դեպքում ի՞նչ կանի շարժումը, Արարատ Միրզոյանը պատասխանեց. «Մենք բացառապես խաղաղ շարժում ենք, մարդիկ ենք, ովքեր իրականացնում են իրենց համաշխարհայնորեն ընդունված՝ մարդու իրավունքները: Ով կգա, ինչ խելագար կգա ու կկրակի՝ դա արդեն ամբողջովին Սերժ Սարգսյանի պատասխանատվությունն է»:
Ինչպես նշեց Արարատ Միրզոյանը՝ Սերժ Սարգսյանի հրամանները առայժմ կատարում են մի 5-10 հոգի. «Դրանք շատ բարձրաստիճան ոստիկաններն են և զանազան թիկնապահական ջոկատների բանդաների տիրապետող օլիգարխներ: Այդ մարդիկ պետք է իմանան՝ այո՛, իրավիճակի ողջ պատասխանատվությունը կրում է անձամբ Սերժ Սարգսյանը, բայց ոչ ադեկվատ մարդու ապօրինի հրամանների կատարումը չի ազատում անձնական պատասխանատվությունից»:
Ամբողջությամբ՝ տեսանյութում:
