Քաղաքական վերլուծաբան Արմեն Բաղդասարյանը ընդհանրապես համարժեք չի համարում խորհրդարանի կողմից վարչապետ ընտրված Սերժ Սարգսյանի արձագանքը քաղաքացիական անհնազանդության գործողություններին։ Ըստ նրա՝ արդեն իսկ հեղափոխական իրավիճակի մեջ ենք, հասարակությունը դիմադրողականությունը չի կորցրել, և այս իշխանությունները չեն կարող ժողովրդի հետ վարվել ճորտերի պես։
«Սերժ Սարգսյանի դիրքորոշումը այս ամենի նկատմամբ համարում եմ շատ սխալ, որովհետև նա խոսում է տասնյակ, հարյուրավոր մարդկանց մասին, մինչդեռ խոսքը տասնյակ հազարավոր դժգոհների մասին է, ովքեր դուրս են եկել փողոց, և միլիոնավոր սփյուռքի մասին է, ովքեր տանը նստած են, բայց ցանկացած պահի կարող են դուրս գալ փողոց»։
Քաղաքական վերլուծաբանի խոսքով՝ Սերժ Սարգսյանը շատ վիճելի հայտարարություն է կատարում թե՛ տնտեսական աճի և թե՛ ընտրությունների վերաբերյալ։
Արմեն Բաղդասարյանը կարծում է, որ եթե շարժումը նույն ուժգնությամբ շարունակվի, ապա Սերժ Սարգսյանը կզիջի իշխանությունը, և երկխոսության թեման կարող է լինել արտահերթ ընտրությունների իրականացումը։
Մանրամասները՝ տեսանյութում: