Բրազիլացի Ռոդրիգո Ալվեսը, ում արտաքինի համար կենդանի Քեն անունն են տվել, պատմել է սուր ցավերի մասին։ Ցավերը նրա մոտ սկսվել են ողերի հեռացման վիրահատությունից հետո։ Այս մասին հաղորդում է Daily Mail-ը։
«Ամեն երեկո ես սուր ցավեր եմ ունենում։ Դրանց կարելի է դիմանալ, բայց ես չեմ հասկանում, թե ինչի մասին էի մտածում այն ժամանակ։ Հիմա ես երկու սպի ունեմ մեջքիս վրա, բայց ամենասարսափելին այն է, որ իմ չափսերը չեն փոքրացել»,– խոստովանել է 34-ամյա Ալվեսը։
Տղամարդը երազում էր բարակ գոտկատեղ ունենալ։ Նրա խոսքերով՝ միջամտությունից հետո, որը 40 հազար դոլար է արժեցել, նա ստիպված է անընդհատ կորսետ կրել։ «Ես ավելի սլացիկ եմ երևում, միայն երբ կորսետով եմ։ Հենց որ այն հանում եմ, մարմինս հին տեսքին է գալիս»։
Ապրիլին Ալվեսի միլիարդատեր հայրը սպառնացել է որդուն զրկել ժառանգությունից, եթե նա մեկ անգամ էլ կնոջ կերպարանք ստանա։ Ալվեսը հունից հանել էր ծնողներին՝ Instagram-ում ներքնազգեստով երկարամազ սևահերի կերպարով նկար հրապարակելով։ Կանացի շորեր հագած Ալվեսը երեկույթի էր գնացել կարճ կիսաշրջազգեստով և բարձրակրունկներով։
