Asia Wire չինական պարբերականը պատմել է Յուան Լիդոնի մասին, ով հաշմանդամ է և ծնվել է առանց վերջույթների։ 37–ամյա տղամարդը տարվել է տեսախաղերով և համացանցի աստղ է դարձել։
Լիդոնը, որին համացանցում «մարդ–դելֆին» անունն են տվել, սովորել է տեսախաղեր խաղալ մոտավորապես կես տարվա ընթացքում։ Տղամարդը բերանն է վերցնում սնվելու փայտիկները և դրանցով ղեկավարում է մկնիկն ու ստեղնաշարը։ Հաշմանդամը տարվել է առցանց–մարտավարություններով՝ Quanmin հայտնի խաղային հարթակում, նա ավելի քան 130000 երկրպագու ունի, որոնք հետևում են իր խաղերին։
Գեյմերի խոսքերով՝ նա ստիպված է եղել գումար վաստակելու միջոց գտնել շատ ցածր հաշմանդամության նպաստի պատճառով։ Լիդոնը ծիծաղում է, որ համացանցում հաճախ մարդիկ չեն հավատում, որ իրենց հետ առանց ոտքերի ու ձեռքերի մարդ է խաղում։ «Չնայած մեր արտաքին պատյանին՝ մենք չպետք է մոռանանք, որ առաջին հերթին ներսում մենք բոլորս մարդ ենք»,– ասում է խաղացողը։