Բեռլինի գլխավոր կայարանի մոտակայքում 500 կիլոգրամանոց ռումբ է հայտնաբերվել, որը նետվել է քաղաքի վրա բրիտանացիների կողմից, Երկրորդ համաշխարհային պատերազմի ժամանակ: Ռումբը չեզոքացնելու համար կայարանը և մոտակա շինությունները փակվել են, իսկ մարդիկ տարհանվել: Այդ մասին տեղեկացնում է korrespondent.net-ը:
Բեռլինի գլխավոր կայարանը օրական 300 հազար հաճախորդ և ուղևոր է ընդունում:
«Այսչափ խոշոր իրավիճակ մենք դեռ չենք ունեցել»,- հայտարարել է գերմանական Deutsche Bahn երկաթուղային ընկերության ներկայացուցիչ Ֆրիդեման Քեսլերը:
Առավոտյան իշխանությունները ռումբի տեղակայման վայրից մինչև 800 մ հեռավորության վրա ապրող ավելի քան 10 հազար մարդու տարհանում են կազմակերպել: