«Այսօր դժվար է մեկնաբանել, թե ինչ է տեղի ունենում փողոցում, ինչ է դա նշանակում, ինչին է դա ուղղված։ Եթե նման գործողություններ լինեին Սահմանադրության ընդունման ժամանակ… Ես հստակ ասում էի, թե այս Սահմանադրությունը ինչ վտանգներ է պարունակում։ Այն, ինչ արվում է հիմա, պարոն Փաշինյանը պետք է բացատրի, թե ինչ է ուզում»,- «Առաջին լրատվական»-ի հետ զրույցում ասաց «Ազգային անվտանգություն» կուսակցության նախագահ Գառնիկ Իսագուլյանը։
Մեր զրուցակիցը հավելում է. «Չեմ կարծում, թե «Մերժիր Սերժին» կարգախոսն ինչ-որ նպատակ է, լավ, ասենք՝ մերժեցիք, նստեցիք ինչ-որ տեղ մերժեցիք, դա ո՛չ Սահմանադրություն է, ո՛չ օրենք, ոչ էլ այն իրողությունը, որ առկա է։ Եթե գնում եք իշխանափոխության, հստակ ասեք»։
Նրա կարծիքով՝ փողոցում կարող է ստեղծվել անկառավարելի իրավիճակ: «Նիկոլը հասել է մի կետի, որ պետք է կանգ առնի»,- ասաց նա՝ չբացառելով, որ իշխանությունը ուժ կգործադրի։
Հարցազրույցն ամբողջությամբ՝ տեսանյութում:
