Իրանի պետական կառույցները պետք է մեկ շաբաթվա ընթացքում հրաժարվեն արտասահմանյան սոցցանցերից և մեսենջերներից, այդ թվում Telegram-ից: Այս մասին հայտարարել է Իրանի Իսլամական Հանրապետության առաջին փոխնախագահ Էսհակ Ջահանգիրին: Telegram-ից հրաժարվելու մասին հայտարարել է նաև Իրանի հոգևոր առաջնորդ՝ այաթոլլա Ալի Համենեին:
Թեհրանում հայտարարել են սեփական արտադրության մեսենջեր գործարկելու պլանների մասին:
Վիճակագրության համաձայն՝ 45 միլիոն իրանցի օգտվում է Telegram մեսենջերից:
2017 թվականի դեկտեմբերի 30-ին հակակառավարական ցույցերից հետո Իրանում այն արգելափակվեց, սակայն հունվարի 13-ին Telegram-ն ապաարգելափակեցին: