Կեսօրվա դրությամբ ոստիկանական տարբեր բաժանմունքներ բերման են ենթարկվել 92 քաղաքացի: Այս մասին «Առաջին լրատվական»-ին փոխանցեցին ոստիկանության լրատվական բաժնից։
Դրան զուգահեռ նշենք, որ բերման ենթարկված քաղաքացիներին նաև ազատ են արձակում։ Արդեն իսկ ազատ են արձակվել Դավիթ Սանասարյանն ու Նիկոլ Փաշինյանի որդին՝ Աշոտ Փաշինյանը։
Ոստիկանությունը շարունակում է հաղորդագրություններով տեղեկացնել, որ «պայմանավորված Նիկոլ Փաշինյանի կողմից կազմակերպված հավաքի մասնակիցների կողմից հասարակական կարգը խախտող խմբային գործողություններով, ոստիկանությունը ներկա պահին իրականացնում է ոչ միայն հասարակական կարգի պահպանության, այլև հանցագործությունների և վարչական իրավախախտումների կանխման, խափանման գործողություններ: Նշված գործողությունների ընթացքում ոստիկանությունը կարող է օգտագործել նաև այլ ուժեր:
Հայտարարում ենք, որ քաղաքացիական զգեստներով բերման ենթարկելու գործողություն իրականացնող անձինք ոստիկանության ծառայողներ են, որոնց գործողությունների համար ամբողջ պատասխանատվությունը կրում է ոստիկանությունը»:
Լուսանկարը՝ Photolure-ի
