Սվազիլեդնի թագավոր Մսվաթի III-ը՝ Աֆրիկայի վերջին բացարձակ միապետը, հայտարարել է երկիրն անվանափոխելու որոշման մասին, փոխանցում է Reuters գործակալությունը։
«Ես կցանկանայի հայտարարել, որ այսօրվանից մեր երկիրը հայտնի կդառնա որպես Էսվատինիի թագավորություն»,-ասել է նա։
Նման հայտարարություն արվել է պետության անկախության 50-րդ դարեդարձի ժամանակ։ Մսվաթի III-ը հայտարարել է, որ երկիրը վերադարձնում է անվանումը, որն ուներ մինչև Բրիտանիայի կողմից գաղութացվելը։ Բացի այդ, նրա խոսքով, թագավորությունը հաճախ են շփոթում Շվեյցարիայի հետ․ անգլերենում երկու երկրների անվանումները գրեթե նույն կերպ են հնչում։
Տեղացիների լեզվով Էսվատինի նշանակում է «Սվազների երկիր»։ Մսվաթի III-ը վերջին տարիներին երկիրը մի քանի անգամ այդպես է անվանել, այդ պատճառով նրա որոշումը բնակիչների համար անակնկալ չէր։