Մի քանի տասնամյակի ընթացքում եվրոպական շոու բիզնեսը փոփոխությունների է ենթարկվել։ Այս մասին «Իզվեստիա»-ին տված հարցազրույցում հայտարարել է ֆրանսահայ շանսոնյե Շառլ Ազնավուրը։
«Ցավոք, ես ավելի հազվադեպ եմ լավ տեքստեր լսում, հեղինակները դադարել են բառերին նշանակություն տալ, իսկ ես կարծում եմ, որ հենց բառերում է համաշխարհային մակարդակում երգի երկարակեցության և հաջողության գրավականը»,-ասել է նա։
Երգչի խոսքով՝ երգ գրելիս ինքը կարող է մեկ օր փնտրել անհրաժեշտ բառը։
«Ինձ հաճախ են հարցնում՝ ինչու՞մ է իմ երգերի գաղտնիքը։ Ես միշտ պատասխանում եմ՝ տեքստերը։ Անհրաժեշտ բառը փնտրելու վրա ես կարող եմ մեկ օր ծախսել։ Ես աշխատում եմ ոչ թե որպես երգի հեղինակ, այլ որպես գրող, և իմ յուրաքանչյուր երգը մի պատմություն է, մի պատմվածք։ Ինձ համար կարևոր է, որ տեքստում ավելորդ բառեր չլինեն։ Յուրաքանչյուր բառ պետք է իր տեղում լինի»,-ասել է Ազնավուրը։