Ռուսաստանի Արտաքին գործերի նախարարությունից զգուշացրել են Վաշինգտոնին այն մասին, որ «Աէրոֆլոտի» անձնակազմի վիզայի հետ կապված խնդիրների պատճառով ուղիղ ավիահաղորդակցությունը ՌԴ–ի և ԱՄՆ–ի միջև կարող է դադարեցվել։
Մեկնաբանության մեջ նշվում է, որ ռուսական ինքնաթիռների անձնակազմերի անդամները «գնալով ավելի շատ են ամերիկյան վիզաներ ստանալու հետ կապված դժվարություններ ունենում»։
Ամերիկացիներին հիշեցրել են, որ քաղաքացիական ինքնաթիռների անձնակազմի անդամներին նախօրոք վիզաները տրամադրելու պարտավորությունը ամրագրված է 1994 թվականի օդային հաղորդակցման վերաբերյալ ռուս–ամերիկյան համաձայնագրում։