Մահացել է 122-ամյա չիլիացի տղամարդը, ով ոչ պաշտոնապես համարվում էր աշխարհի ամենատարեց մարդը՝ տեղեկացնում է The Cuardian-ը:
Սելինո Վիլյանուեվա Հարամիլյոն մահացել է հիվանդանոցում մահճակալից ընկնելու հետևանքով ստացած վնասվածքների պատճառով:
Հարամիլյոն ծնվել էր 1896թ. և ողջ կյանքում աշխատել է ուրիշների ֆերմայում: 80 տարեկանում նրան հեռացրել է իր գործատերը: Երկարակյաց ծերուկը տեղափոխվել է հարևան գյուղը և ապրել հողե հատակով խրճիթում: Գոյատևելու համար վաճառել է սեփական այգում աճեցրած բանջարեղենը, նախկին գործատիրոջից նաև համեստ թոշակ է ստացել:
Մի քանի տարի անց խրճիթը հրդեհվել է, և ծերուկը հայտնվել է փողոցում: Նա երբեք կին և երեխաների չի ունեցել, և նրա բոլոր հարազատները մահացել են: 99-ամյա ծերունուն հյուրընկալել է մի օտար ընտանիք, որտեղ էլ նա անց է կացրել մնացած տարիները:
Փաստաթղթեր չունենալու պատճառով Հարամիլյոն չի հայտնվել Գինեսի գրքում: 2011թ. երկարակյացին այցելել է երկրի նախագահը, 2016թ. արդարադատության նախարարը անձամբ է նրան հանձնել նոր անձնագիրը: