«Ազգային միջուկային օրվա» կապակցությամբ Իրանը քննադատել է ԱՄՆ նախագահ Դոնալդ Թրամփի՝ 2015-ի միջուկային գործարքից դուրս գալու մտադրությունը՝ հիշեցնելով, որ սա նրա առաջին սպառնալիքը չէ, և դրանցից ոչ մեկը չի իրագործվել։
Իրանի նախագահ Հասան Ռուհանին հայտարարել է, որ ԱՄՆ-ն «ձախողել է» Իրանի և միջազգային ուժերի համաձայնագիրը «ոչնչացնելու փորձը»։
Ռուհանին ծաղրել է ԱՄՆ-ի գործողությունները, որը «շատ փող է ծախսում, շատ է խոսում և այնքան շատ թվիթներ է գրում՝ հույս ունենալով, որ այդ շենքը կցնցվի հաղորդագրություններից»,-ասել է Ռուհանին՝ Դոնալդ Թրամփի վարչակազմին դիմելով։
Ռուհանին ևս մեկ անգամ ընդգծել է, որ Իրանը կողմ է միջուկային գործարքին և առաջինն այն չի խախտի, սակայն, եթե Թրամփն ամեն դեպքում նահանջի, սպառնացել է արագ պատասխանել։
«Եթե ԱՄՆ-ն դուրս գա գործարքից, մեկ շաբաթվա ընթացքում կամ ավելի քիչ ժամանակահատվածում կտեսնի արդյունքը»,-ասել է Ռուհանին։
