Քայլերթին է միացել նաև «Քաղաքացիական պայմանագիր» կուսակցության վարչության նախագահ Սասուն Միքայելյանը:
«Շուտով հաղթանակի տոնախմբությունը կլինի»,- «Առաջին լրատվական»-ի հետ զրույցում ասաց Սասուն Միքայելյանը՝ անդրադառնալով այն գնահատականներին, թե շարժումը վերածվել է տոնախմբության:
Նրա խոսքով՝ իշխանությունը պետք է գիտակցի, որ երկրորդ տարբերակ չկա. «Նրանք այս երկիրը բերին-հասցրին էս վիճակին և պետք է թողնեն-հեռանան: Առանց արյան պետք է թողնեն-հեռանան այս երկրից»:
Սասուն Միքայելյանը նշեց, որ ցույցին մասնակցում են տարբեր շերտերի մարդիկ, սակայն կարևորեց այն հանգամանքը, որ երիտասարդությունն է դուրս եկել: «Երիտասարդ տղաները էսօր մի 200-300 դրամ չունեն, որ իրենց սիրած աղջկան ծաղիկ նվիրեն: Բա ի՞նչ պիտի անեն, պիտի դուրս գանք ու պայքարենք և հաղթենք»,- ասաց Սասուն Միքայելյանը՝ շնորհակալություն հայտնելով ուսանողությանն ու երիտասարդությանը փողոց դուրս գալու համար:
Ամբողջությամբ՝ տեսանյութում: