ՀՀ արտակարգ իրավիճակների նախարարությունն ապրիլի 18-ին, ժամը 01:53-ին ահազանգ է ստացել, որ Կոտայքի մարզի Ծաղկաձոր քաղաքի «Էլեգանտ» հյուրանոցի մոտակայքում «ՎԱԶ 2105» մակնիշի ավտոմեքենան արգելափակվել է քարերի մեջ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Ինչպես տեղեկացնում է ՀՀ արտակարգ իրավիճակների նախարարության պաշտոնական կայքից, պարզվել է, որ ավտոմեքենան արգելափակվել է Սարալանջ փողոցի վերջնամասում՝ քարակույտի մեջ:
Փրկարարներն արգելափակումից դուրս են բերել «ՎԱԶ 2105» մակնիշի ավտոմեքենան (վարորդը՝ Ա. Ա.):
