ԱՄՆ պետքարտուղարի օգնական Ուեսս Միթչելը հայտարարել է, որ ռուս վարձկանները փորձել են հարվածել Սիրիայում ԱՄՆ զինված ուժերի դիրքերին՝ հաղորդում է gazeta.ru-ն:
Այս մասին ասվում է ԱՄՆ Ներկայացուցիչների պալատի առջև Միթչելի գրավոր վկայություններում:
«Սիրիայում նրանց անխոհեմ միջամտությունը և Ասադի վարչակարգին աջակցությունը մեծացրել են Արևմուտքի հետ առճակատման վտանգը: Սիրիայում վերջին ժամանակներս ռուսական վարձկանների կողմից ԱՄՆ զորքերի վրա ձախողված հարձակումը նման վարքագծի սթափեցնող օրինակներից մեկն էր », – ասել է նա:
Նրա խոսքով՝ սիրիական հակամարտությունը կարող է լուծվել միայն ՄԱԿ-ի հովանու ներքո Ժնևի բանակցություններում: