ԱՄՆ նախագահ Դոնալդ Թրամփը տարակուսել է՝ տեսնելով ՄԱԿ-ում ԱՄՆ մշտական ներկայացուցիչ Նիկի Հայլիի ելույթը՝ Ռուսաստանի նկատմամբ նախատեսվող պատժամիջոցների մասին, քանի որ ինքն դրա վերաբերյալ վերջնական որոշում չի ընդունել: Այդ մասին տեղեկացնում է The New York Times-ը՝ հղում կատարելով նախագահին մոտ կանգնած աղբյուրին:
Թրամփը բարկացել է, որ ՄԱԿ-ին ոչ ճիշտ տեղեկություն են տրամադրել Սպիտակ տան ծրագրերի մասին: Հաջորդ օրը նախագահի խորհրդական Լոուրենս Կադլոուն պարզել է, որ Հայլին շտապել է և հավանաբար ինչ-որ բան շփոթել է, քանի որ պատժամիջոցների հարցը դեռ քննարկման փուլում է: Ի պատասխան՝ Հայլին հայտարարել է, որ իրեն հատուկ չէ նման հարցերում շփոթվելը, և ինքը գիտակցել է՝ ինչ է ասում:
Կադլոուն ներողություն է խնդրել Հայլիից և պարզաբանել, որ նրան տեղյակ չեն պահել ծրագրերի փոփոխման մասին: