Անկարայի հետ հարաբերությունների վերաբերյալ Եվրահանձնաժողովի ամենամյա զեկույցում ասվում է, որ Թուրքիան չի կատարել 72 պահանջներից 7-ը, որոնք անհրաժեշտ են Եվրամիության հետ վիզային ռեժիմի չեղարկման համար: Զեկույցում նաև ասվում է, որ Թուրքիան հաջողություն չի գրանցել կոռուպցիայի դեմ պայքարի ոլորտում:
Թուրքական կառավարության խոսնակ, փոխվարչապետ Բեքիր Բոզդագը, մեկնաբանելով Եվրահանձնաժողովի տարեկան զեկույցը, հայտարարել է, որ Եվրամիությունը երբեք Թուրքիայի նկատմամբ արդար չի եղել:
«Եվրամիությունը երբեք Թուրքիայի նկատմամբ արդար և օբյեկտիվ չի եղել: Չնայած ԵՄ-ի կողմից անարդարությանը, Թուրքիան չի դավաճանում միություն լիարժեք մուտք գործելու իր նպատակին»,- ասել է նա: