Միակ մարդն աշխարհում, որին դեմքի փոխպատվաստում են կատարել, պատմել է վիրահատությունից հետո կյանքի մասին, հաղորդում է BBC News-ը։
Ֆրանսիայի բնակիչ Ջերոմ Ամոնը տառապել է առաջին կարգի ներյոֆիբրոմատոզով, ինչի պատճառով նրա դեմքին ուռուցք է առաջացել։ 2010-ին նրան փոխպատվաստել են դոնորի դեմքը,ներառյալ կոպերը և արցունքագեղձերը։ Վիրաբույժ Լորեն Լանտյերիի խոսքով՝ դեմքի ամբողջական փոխպատվաստում առաջին անգամ է տեղի ունեցել։
2015-ին Ամոնը հակաբիոտիկներ է ընդունել, ինչի հետևանքով փոխպատվաստված դեմքը սկսել է անջատվել։ 2017-ին այն ստիպված են եղել հեռացնել։
2018-ին վիրաբույժ Լորեն Լանտյերին կրկին Ամոնին դեմքի փոխպատվաստում է կատարել։
Արդեն 3 ամիս է անցել, սակայն Ամոնը նախկինի պես չի կարողանում շուրթերը շարժել, իսկ մաշկը և փոխպատվաստված դեմքի դիմագծերը չեն համընկնում գանգի հետ։ Չնայած դրան՝ նա կասկած չունի, որ կառողջանա։
«Այսօր ես ինձ լավ եմ զգում։ Պահերն են լինում, երբ այլևս ուժ չես ունենում, սակայն ընդհանուր առմամբ ինքնազգացողությունս լավ է։ Հատկապես դժվար է երկարատև ժամանակով հիվանդանոցում գտնվելը, դեղորայք ընդունելը։ Դա հոգնեցուցիչ է և անհամբերությամբ սպասում եմ, թե երբ եմ այդ ամենը հետևում թողելու»,-ասել է Ամոնը։