Սերժ Սարգսյանը փաստացի սուտ խոսեց: Այս մասին «Առաջին լրատվական»-ի հետ զրույցում նշեց «Նոր ժամանակներ» կուսակցության նախագահ Արամ Կարապետյանը՝ հավելելով․ «Հիմա արդեն պարզվեց, որ այս ամենը արվել է Սերժ Սարգսյանի համար, եթե չհամաձայնվեր վարչապետ, այդ ժամանակ ընդդիմությունը կասեր նոր համակարգ ենք ստեղծում»:
Արամ Կարապետյանը պատմեց, թե ինչ է տեղի ունեցել այսօր Բաղրամյան պողոտայում․ «Առաջին շարքում կանգնած եմ եղել, մենք օգնել ենք ոստիկաններին, որ ժողովուրդը անվնաս դուրս գա, առաջին շարքը շատ արագ ճզմվեց: Մարդկանց դուրսբերման գործընթացում որևէ մեկին վնաս չի հասցվել»:
Կարապետյանի կարծիքով՝ այս իշխանությունը բացի կրակելուց, ոչ մի ելք չի թողել․ «Քաղաքական լուծումներ հարցերին չի տրվում: Քաղաքականությունը քաղաքական գործընթաց է, ոչ թե կռիվ-կռիվ խաղալ: Կառավարման համակարգը սկսում է զզվանք առաջացնել:Հեղափոխական ու ընդվզման կոչեր լինում են այն երկրներում, որոնք վատ են ապրում: Նիկոլին և համակիրներին հաջողվեց մինուսից դաշտը եռացնել»: