Գերմանիայի արտգործնախարար Հայկո Մաասը բացառել է Սիրիայում հակամարտության երկարատև խաղաղ կարգավորումը ներկա նախագահ Բաշար Ասադի մասնակցությամբ՝ գրում է korrespondent.net-ը:
«Նախ պետք է լուծում փնտրել բոլոր նրանց հետ, ովքեր ազդեցություն ունեն այդ տարածաշրջանում, սակայն ոչ ոք չի կարող պատկերացնել, որ այդ որոշմանը կարող է մաս կազմել մի մարդ, ով քիմիական զենք է կիրառել սեփական ժողովրդի հանդեպ»,- ասել է Մաասը երկուշաբթի օրը Լյուքսեմբուրգում ԵՄ մյուս երկրների արտգործնախարարների հետ հանդիպման ժամանակ:
Նրա կարծիքով՝ այժմ պետք է ամեն ինչ անել՝ հակամարտության վերսկսումը կանխելու համար՝ հավելելով, որ առանց Ռուսաստանի մասնակցության, դուր կգա դա ոմանց թե ոչ, այդ հակամարտությունը հնարավոր չէ կարգավորել:
Մաասը ողջունել է երկխոսություն սկսելու Ռուսաստանի պատրաստակամությունը:
