Thursday, 28 03 2024
Մի համագործակցության խրոնիկա
Հայաստանը չունի ավելի ուժեղ զենք, քան միջազգային իրավունքը. չկրակելը խելամիտ չէ
Սասունցի Դավթի դարաշրջանը չէ. ԱՄՆ-ից ակնկալիքներին զուգահեռ պետք է ամրապնդել պետությունը
Երևանում ծառի ճյուղը թեքվել և ընկել է էլեկտրական լարերի վրա. փրկարարները մասնատել են ծառի ճյուղը
21:40
Ղազախստանի դեսպանատունը խորհուրդ է տվել լքել Օդեսայի և Խարկովի մարզերը
Վիճաբանություն և ծեծկռտուք՝ անչափահասների մասնակցությամբ․ կա վիրավոր
Քանի՞ մարդ է թունավորվել Հայաստանում
«Հայաստանի և Ռուսաստանի հարաբերություններում ստեղծված իրավիճակը լավատեսություն չի ներշնչում»․ Լավրով
Բաքվի անհիմն մեղադրանքն ու խորամանկ խաղը Բրյուսելից առաջ
«Կրոկուսի ահաբեկչության հեղինակներն Ուկրաինայից զգալի գումարներ և կրիպտոարժույթներ են ստացել»․ ՌԴ ՔԿ
20:40
Սևաստոպոլում ռազմական ինքնաթիռն ընկել է ծովը
Ռուսաստանցիները կորցնում են հետաքրքրությունը Դուբայի նկատմամբ
Ադրբեջանը հրաժարվում է սահմանազատումից՝ Հայաստանին ներկայացնելով ահաբեկիչ և օկուպանտ
Հայկական լեռնաշխարհը պատմականորեն եղել է համաշխարհային քաղաքակրթությունների խաչմերուկ. ՀՀ նախագահ
ԿԳՄՍ նախարարն ու փոխնախարարն այցելել են «Թատրոն տանիքում» այլընտրանքային թատրոն
Live. «Առաջին լրատվական» տեղեկատվական-վերլուծական կենտրոն
ԱԺ պատգամավորներն աշխատանքային այցով կգործուղվեն Բեռլին
ՀՀ կառավարության ուղարկած մարդասիրական օգնությունը հասել է Եգիպտոս. 1– 2 օրում կփոխանցվի Գազայի բնակիչներին
Հայաստանի տարածքում կան փակ և դժվարանցանելի ավտոճանապարհներ
Եվրոպական խորհրդի քաղաքական եւ անվտանգության հարցերով կոմիտեի անդամները կայցելեն Հայաստան
Սահմանամերձ գյուղերում բնակարան կառուցելու համար պետական աջակցության ծրագրով նախորդ տարի հաստատվել է 280 շահառուի հայտ
Լրատվական-վերլուծական երեկոյան թողարկում
Ուղիղ. այսօր Ավագ Հինգշաբթի է. ոտնլվայի արարողություն և խավարման կարգ Անթիլիայում
18:50
Ռուսաստանը պատրաստվում է նոր մեծ հակահարձակման
«Կովկասի գերուհու» տնօրենը 11մլն․ դրամ է հափշտակել
Համոզված եմ մենք կունենանք սերունդ, որը կապրի ԵՄ անդամ Հայաստանում. Էդգար Առաքելյան
Ավագ հինգշաբթին Մայր Աթոռ Սուրբ Էջմիածնում
18:40
ԵՄ-ը մինչև ապրիլ կներկայացնի Ուկրաինային սպառազինությունների մատակարարման պլանը
Իսրայելը ՀԱՄԱՍ-ի 200 զինյալ է լիկվիդացրել Աշ-Շիֆա հիվանդանոցում
«Աշխարհին նոր բազմակողմանի առևտրային համակարգ է անհրաժեշտ». Տոկաև

Իմ վարչապետությունը քո հեղափոխությանը վնաս չէ

Ծաղկաձորում ապրիլի 14-ին տեղի է ունեցել ՀՀԿ գործադիր մարմնի և խորհրդի արտագնա նիստ: Գործադիր մարմինը կուսակցության նախագահի առաջին տեղակալ Կարեն Կարապետյանի առաջարկությամբ որոշել է վարչապետի պաշտոնում ՀՀԿ խորհրդին ներկայացնել Հայաստանի Հանրապետական կուսակցության նախագահ Սերժ Սարգսյանի թեկնածությունը: Խորհուրդը քննարկել է հարցը և միաձայն կողմ արտահայտվել թեկնածությանը: Լակոնիկ այս տեղեկատվությունը տարածել է ՀՀԿ մամուլի ծառայությունը` մինչ Նիկոլի Փաշինյանը Ֆրանսիայի հրապարակում իր կողմնակիցներին կոչ էր անում` ավտոերթով հասնել Ծաղկաձոր ու շրջափակել Սերժ Սարգսյանին և ՀՀԿ վերնախավին:

Առհասարակ` այնպիսի տպավորություն է, որ գործ ունենք իրար հետ չառերեսվող երկու Հայաստանների հետ: Նիկոլ Փաշինյանը` մի քանի հարյուր կամ հազար կողմնակիցների հետ, կաթվածահար է արել Երևանի կենտրոնը, իսկ իշխանություններն` անխռով հետևողականությամբ, նախապատրաստվում են խորհրդարանի ապրիլի 17-ի նիստին` Սերժ Սարգսյանի վարչապետությանը:

ՀՀԿ-ի քայլերն, իհարկե` մեծ հաշվով, բխում են Սահմանադրությունից և խարսխված են խորհրդարանական ընտրությունների հետևանք քաղաքական ստատուս-քվոյի վրա: Այս հարթության վրա` անկախ մոտիվներից, իշխանությունն, անշուշտ, այս պահին ավելի է նույնանում քաղաքական, ինստիտուցիոնալ կառույցի հետ: Կրկնում ենք` խոսքը ոչ թե իշխանության որակի, քաղաքական բովանդակության, այլ` կոնկրետ իրավիճակում, նրա վարքագծի, գործողությունների մասին է:

Ընդդիմությունը Հայաստանում տարածք գրավելու անհրաժեշտություն, անշուշտ, ունի, բայց խոսքը հրապարակ կամ Հանրային ռադիոյի շենք «զավթելու» մասին չէ, որովհետև այդ ամենն ինքնանպատակ, նույնիսկ` փակուղային է, երբ Սերժ Սարգսյանի իշխանավարման դեմ հանդես եկող ընդդիմությունն, ըստ էության, չունի քաղաքական տեքստ, ուղերձ, քաղաքական օրակարգ, որը քաղաքացիների համար պահանջարկված լինի նաև ապրիլի 17-ից հետո, երբ այլևս ավարտված կլինի վարչապետի ընտրությունը: Ի՞նչ նպատակ ուներ, օրինակ, Հանրային ռադիոյի շենքի «գրավումը», երբ Նիկոլ Փաշինյանը իր խոսքը ցանկացած պահի հասանելի է դարձնում հազարավոր, տասնյակ հազարավոր մարդկանց: Սակայն շատ ավելի մեծ խնդիրներ է հարուցում ընդդիմության աղքատիկ օրակարգի բովանդակությունը, որովհետև Սերժ Սարգսյանի գործոնը երբեք ոչ ոք այնքան չի բացարձակացրել, որքան «Մերժիր Սերժին» օրակարգով փողոց դուրս եկած ընդդիմադիրները:

Սերժ Սարգսյանի անունը ամենուր է, նա է այս երկրի միակ հերոսը, որովհետև այսօր այդ անունը պատկառանքով կամ հայհոյանքով հնչեցնում են Ծաղկաձորում ու Երևանի փողոցներում, իշխանություն ձևավորողներն ու դրա տապալմանը ձգտողները:

Իշխանության խնդիրը պարզ է ու դրան նույնիսկ չարժե անդրադառնալ, որովհետ Սերժ Սարգսյանի վարչապետությունը մինչև ամսի 17-ը կարող է կանխվել միայն այն դեպքում, եթե նման ցանկություն ունենա հենց ինքը` Սերժ Սարգսյանը:

Ավելի բարդ է փողոցում հեղափոխություն իմիտացնող գործիչների պարագան. նրանց առաջնորդում են հույզերը, քաոտիկ տրամադրությունները, անորոշությունը, մեկ տարի առաջ պոկված գնացքին հասնելու հուսահատ ձգտումը, բայց` ոչ քաղաքականությունը և ռացիոնալ օրակարգը:

Ընդդիմությանն` առաջին հերթին, անհրաժեշտ է քաղաքական նոր ասելիք, զարգացման ռեսուրս ունեցող օրակարգ. այդ դեպքում` փակ դռներն ու հրապարակները ընդդիմադիրների համար բաց կլինեն ինքնին: Ընդդիմությունն` ոչ թե հրապարակներ կամ շենքեր, այլ` կառավարման ինստիտուցիոնալ նոր միջավայրում իր տեղը գրավելու, նվաճելու խնդիր ունի:

Ընդդիմությանն անհրաժեշտ են ոչ թե Սերժ Սարգսյանին կամ որևէ մեկին բարձր ու թունդ հայհոյող, այլ` Հայաստանի ապագայի տեսլականը պատկերացնող, ուսյալ և լայն մտահորիզոն ունեցող գործիչներ:

Հայաստանի իշխանությունը հետամնաց և սպառված համակարգ է, սակայն այնքան պրիմիտիվ և անձնակենտրոն չէ, որպեսզի փլուզվի մի քանի հազար մարդու հայհոյանքների կամ քաոտիկ գործողությունների տարափի տակ: Հրապարակն այսօր ձախողվում է, որովհետև չունի ընդդիմադիր հայեցակարգ, քաղաքացիական կեցվածք:

Այս համատեքստում Սերժ Սարգսյանի ընտրությունը կանխորոշված է, եթե նույնիսկ ընդդիմադիրները, ոստիկանության լուռ հայացքի ներքո, «գրավեն» մի քանի փողոցներ ևս:

Բաժիններ
Ուղիղ
Լրահոս
Որոնում