Friday, 29 03 2024
Փորձել են առանց հայտարարագրման բջջային հեռախոսներ ներկրել
11:45
Որքա՞ն տարածք են ռուսները գրավել այս տարի Ուկրաինայում
Հալեպի վրա Իսրայելի հարձակման հետևանքով զոհվել է 36 մարդ. Al Hadath
11:15
Ռուսական խոշոր հարձակումը կլինի մայիսի վերջին
Բեգլարյանը սպառնացել է նորակառույցի սեփականատերերին իր առանձնատուն բացվող տեսարանի համար
«Միրզոյանի հետ վերջին անգամ շփվել եմ Սկոպյեում․ մենք էինք նախաձեռնել այն». Լավրով
Հայաստանի և Ադրբեջանի խորհրդարանների ղեկավարներն առաջիկայում կրկին կհանդիպեն
«Հայկական ղեկավարությունը սկսում է արտահայտել այնպիսի գաղափարներ, որոնցով Փաշինյանը ձևավորել էր իր «Ելք» շարժումը». Լավրով
«Փաշինյանը միշտ մեզնից խնդրել է չմոռանալ Լեռնային Ղարաբաղի կարգավիճակի հարցը». Լավրով
10:45
«Բրյուսելի հանդիպումը կկենտրոնանա Հայաստանի տնտեսական կայունության վրա». Միլլեր
«Երեկոն Վլադիմիր Սոլովյովի հետ» և «Կիրակի երեկոն Վլադիմիր Սոլովյովի հետ» հաղորդումները Հայաստանում արգելափակվել են
Թումանյան փողոցում ծառի ճյուղն ընկել է էլեկտրական լարերի վրա
Սուրեն Պապիկյանը հետևել է «Բաղրամյան» զորավարժարանում անցկացված զորախաղերին
10:15
Նավթի գներն աճել են. 28-03-24
Լուրերի առավոտյան թողարկում 10:00
Քարաթափում Լանջազատ գյուղի մոտակայքում
Սյունիքի միջանցքի հարցը չլուծվեց՝ անցան Տավուշ. ռուս-ադրբեջանական նոր խաղեր
Թթուջուր-Նավուր ավտոճանապարհը փակ է
Եվլախը իր ճակատին դաջած անձը գուցե հրահանգ ունի ազգամիջյան բախումներ հրահրելու
Տեղումներ չեն սպասվում
Կա ահաբեկչության վտանգ․ ՌԴ հատուկ ծառայությունները հիբրիդային պատերազմ են մղում Հայաստանի դեմ
Ոսկեպարցիներն անհամբեր սպասում են. «Հրապարակ»
Գյումրիում Նիկոլ Փաշինյանին շատ «ջերմ» ընդունելություն են ցույց տվել. «Ժողովուրդ»
Իշխան Սաղաթելյանի հոր նկատմամբ դատախազությունը հարուցել է քրեական հետապնդում. «Հրապարակ»
Դիանա Գալոյանը նոր պաշտոն կստանա՞. «Հրապարակ»
08:30
Live. «Առաջին լրատվական» տեղեկատվական-վերլուծական կենտրոն
Նոր դիվանագիտական սկանդալ է հասունանում արտգործնախարարությունում. «Ժողովուրդ»
Նիկոլ Փաշինյանը ոչինչ չի խնայում իր անձնական պաշտպանությունն անխոցելի դարձնելու համար. «Հրապարակ»
Բաղմանյանի մեղավորությունը չի հաստատվում, նրա դեմ ցուցմունք տվողը մեկ միլիոն դոլար պարտք է բանկին. «Ժողովուրդ»
Ովքե՞ր են ընդգրկված լինելու Հայկ Մարությանի նոր կուսակցությունում. «Ժողովուրդ»

Բուրջ Համուտում հայ չի մնացել, օտարները մխրճվում են մեր թաղամասերը

Հարցազրույց Լիբանանի խորհրդարանի պատգամավորության թեկնածու Եղիշե Անտոնյանի հետ։

Մայիսի 6-ին Լիբանանում տեղի են ունենալու խորհրդարանական ընտրություններ, որոնց մասնակցում են տասնյակ հայ թեկնածուներ: Լիբանանի ընտրական համակարգը մի փոքր նման է հայաստանյանին այն իմաստով, որ երկիրը բաժանված է մի քանի ընտրական տեղամասերի, և յուրաքանչյուր կրոնական և էթնիկ համայնք ունի որոշակի քվոտա խորհրդարանում և իշխանության մեջ ներկայացված լինելու համար: Բացի դրանից՝ ընտրությունները ռեյտինգային են, և ընտրողը ձայն է տալիս ոչ միայն կուսակցության ցուցակին, նաև ցուցակում ներկայացված կոնկրետ թեկնածուին: Հայ համայնքը կարող է ընտրել 6 պատգամավոր, որոնցից չորսը Բեյրութի շրջանից, մեկական Մեթնից և Բեքայից: Այս վեց պատգամավորական տեղերի համար առաջադրվել են բազմաթիվ ինչպես կուսակցական, այնպես էլ ոչ կուսակցական հայ թեկնածուներ: Մենք մինչև ընտրությունները կփորձենք ներկայացնել նրանցից մի քանիսին:

Եղիշե Անտոնյանը անկուսակցական է և առաջադրվել է Մեթնի շրջանից, որը ընդգրկում է նաև հայտնի Բուրջ Համուտ թաղը, թեև ինչպես ցավով ասում է մեր զրուցակիցը, ամբողջովին հայկական այդ թաղից միայն մի փոքր շրջան է մնացել հայկական: Անտոնյանը պաշտոնաթող սպա է, իր բնորոշմամբ եղել է հայկական ՕՎԻՐ-ի նմանությամբ Լիբանանում գոյություն ունեցող ոստիկանական կառույցի տարբեր շրջանների ղեկավար: Այս կառույցը զբաղվում է նաև զբոսաշրջիկների անվտանգության ապահովմամբ: Պաշտոնաթող լինելուց հետո Եղիշե Անտոնյանը որոշել է առաջադրվել պատգամավորի թեկնածու, նույն ընտրատարածքում, որտեղ նրա հիմնական մրցակիցը ՀՅԴ լիբանանյան կառույցի ղեկավար, գործող պատգամավոր Հակոբ Բագրատունին է: Մեր զրույցը նրա հետ սկսեցինք ամենածեծված հարցից:

Ինչո՞ւ որոշեցիք առաջադրվել պատգամավորի թեկնածու, ուղղակի պաշտոնաթո՞ղ էիք, թե՞ այլ պատճառներ կան:

-Դուք երևի լավատեղյակ չեք Լիբանանի ներկա կացությունից. տնտեսական ծանր վիճակ, փտածությունը (կոռուպցիա), անապահովություն, անգործություն: Եվ այս ամենն առավել ընդգծված է մեր հայկական շրջանների մեջ: Այդ խնդիրները լուծելու համար եմ առաջադրվել, որ կարողացած չափով փոխենք այս իրականությունը: Քաղաքականության մեջ նոր դեմքեր են պետք, նոր արյուն, նոր ուժեր և գաղափարներ, որովհետև նախորդները արդեն ցույց են տվել, թե ինչի են ընդունակ: Ես չեմ ասում, թե հրաշքներ կգործեմ, բայց պետք է փորձենք նոր ուժերի, նոր պատգամավորների հետ հնարավորինս փոխել իրականությունը, վերականգնել մեր արժանապատվությունը:

-Մեթնի շրջանը, որտեղ դուք առաջադրվել եք, քանի՞ հայ ընտրող կա:

-Այս պահին դժվար է ասել, բայց 2009թ. ընտրությունների ժամանակ մոտ 13 հազար քվե կար: Այս անգամ չեմ կարծում, որ թիվն այդքանի հասնի: Նախորդ ընտրություններում հարցը շատ տարբեր էր, դրսից շատ մարդիկ եկան և մասնակցեցին ընտրություններին, հատկապես ԱՄՆ-ից և Սիրիայից, ովքեր Լիբանանի անձնագիր ունեին: Այս անգամ վիճակը մի փոքր այլ է, և չեմ կարծում, թե այդքան ընտրող լինի:

-Արդյո՞ք միայն հայերն են ձեր ընտրողները, թե՞ ընտրողներ ունեք նաև արաբների շրջանում: Դուք ձեզ ներկայացնում եք միայն որպես հա՞յ, թե՞ լիբանանցի:

-Ոչ, իհարկե, ես բազմաթիվ արաբ համակիրներ ունեմ, որովհետև աշխատածս տարիներին շատ օգտակար եմ եղել ինչպես հայերին, այնպես էլ շրջանի մյուս բնակիչներին, և դրա համար Մեթնի ժողովուրդը ուզում է իր երախտապարտությունը հայտնել ինձ՝ քվեարկելով: Շատերը կասեն, որ Եղիշը այլևս լիբանանցի է, հայ չէ, բայց իմ երկու հորաքույրները 1918-ին Մարաշի Սուրբ Կարապետ եկեղեցու մեջ նահատակվեցին, թուրքերը նրանց այրել են: 1975թ. ես զենք եմ վերցրել և հայ թաղերն եմ պաշտպանել, ես մեր երիտասարդներին զինվորական գործի եմ մարզել: Ես լիբանանցի եմ, բայց սրտով էլ, արյունով էլ, ամեն ինչով էլ հայ եմ։

-Չնայած դուք անկուսակցական եք, սակայն ընտրություններին մասնակցում եք Լիբանանի Փաղանգավոր կուսակցության ընտրական ցուցակով: Մի փոքր կբացատրեք, թե ինչ գաղափարախոսություն ունի այս կուսակցությունը, և ինչո՞ւ եք որոշել ընտրություններին մասնակցել այդ կուսակցության ցուցակով:

-Այո, օրենքը պարտադրում է, որ թեկնածուն ընտրություններին մասնակցի կուսակցական ցուցակով: Ես մասնակցում եմ Փաղանգավոր կուսակցության ցուցակով, որտեղ 8 թեկնածու կա, որոնից միայն երկուսն են կուսակցական: Ընտրություններին մասնակցում է հինգ ցուցակ: Ընտրողը վերցնում է այն ցուցակը, որը նա նախընտրում է, որտեղ կա թեկնածուների նկարները և անունները, և նշում անելով ցանկի վրա, կարող է նշում անել իր նախընտրած թեկնածուին: Փաղանգավոր կուսակցությունը կողմ է «Հըզբոլլահ»-ի ապառազմականացմանը, քանի որ համարում է, որ զենքը պետք է լինի միայն Լիբանանի բանակի ձեռքին: Այս կուսակցությունը կողմ է փտածության դեմ պայքարին: Տեսեք՝ Լիբանանում էլեկտրաէներգիայի խիստ կարիք կա, բայց փոխանակ էլեկտրակայաններ կառուցեն, միլիոններ են ծախսում, որ թուրքական նավերը գան և մեզ էլեկտրաէներգիա տան: Կա աղբի հարցը. Բուրջ Համուտի աղբավայրը 27 տարի փակված էր, բայց վերջին երկու տարին նորից բացվել է: Դրամի հետևից վազող մարդիկ գնացին և կրկին բացեցին այս աղբավայրը, որից ամենաշատ տուժողը մեր հայությունն է: Որովհետև այդ աղբավայրի հոտը, դրանից եկող հիվանդությունները կազդեն մեր համայնքի վրա, աղբի մի մասը ծովն է թափվում, և սա փտածության հետևանք է: Այս կուսակցությունում մարդիկ են, ովքեր միշտ անհաշտ պայքար են մղում նման երևույթների դեմ, ու իրենք էին, որ հայտարարեցին, որ աղբավայրը նորից պետք է փակվի: Կուսակցության նախագահը Սամի Ժեմայելն է, որի հայրը նախկինում եղել է Լիբանանի նախագահը:

-Ձեր հիմնական մրցակիցը ՀՅԴ Լիբանանի կենտրոնական կոմիտեի ներկայացուցիչ Հակոբ Բագրատունին է, որը գործող պատգամավոր է: Ինչո՞ւ եք կարծում, որ հայ ընտրողները ձեզ պետք է գերադասեն նրանից:

-Ես այնքան էլ հեռու չեմ Դաշնակցությունից, 2009թ. Դաշնակցությունը ուզում էր ինձ պատգամավոր առաջադրել, բայց ես մերժեցի, որովհետև ես սկզբունքային մարդ եմ, և ես ուզում եմ կանգնել այն մարդկանց կողքին, ովքեր ինձ հետ են եղել, ես թիկունքից հարվածող չեմ: 2005թ. Հակոբ Բագրատունուն ես եմ պատգամավոր դարձրել, որովհետև իր վիճակը շատ ծանր էր, և ես իրեն 2 հազարից ավելի ձայն եմ ապահովել: Բայց նորից եմ ասում՝ նոր դեմքեր են պետք, որովհետև հները ցույց են տվել իրենց աշխատանքի արդյունքը: Բուրջ Համուտի մեջ հայ չի մնացել, օտարները մխրճվում են հայկական թաղերը, հայերի խանութները օտարներն են վարձում, տները օտարներն են գնում: Նախկինում Բուրջ Համուտում միայն մենք էինք, հիմա հայ չի մնացել, միայն երեք չորս թաղամաս, տղաները անգործ են:

-Եթե հայերն իրենց տները վաճառում են, կամ խանութները վարձով են տալիս, Հակոբ Բագրատունու մեղքը ո՞րն է:

-Իրենք շրջանին իբրև տեր ու տիրական պետք է այս խնդիրների դեմն առնեին, չպետք է թույլ տային, որ օտարները մտնեն մեր թաղամասերը:

-Հիմա որ դուք ընտրվեք պատգամավոր, թույլ չեք տալո՞ւ, որ այլազգիները հայերի ունեցվածքը գնեն կամ վարձակալեն:

-Ես հրաշքներ չեմ կարող գործել, բայց եթե հաջողություն ունենամ ընտրություններում, պետք է իմ հնարավորության սահմաններում փորձեմ փոխել ներկա իրականությունը, այս գեշ պայմանները:

-Քանի որ ՀՅԴ-ն Լիբանանում դաշնակցում է «Հըզբոլլահ»-ի հետ, կարո՞ղ ենք ասել, որ ՀՅԴ թեկնածուի հետ նաև գաղափարախոսական տարաձայնություններ ունեք:

-Լինելով նախկին զինվորական, ես կողմնակից եմ, որ կառավարության ձեռքին չգտնվող զենքը հանձնվի, ես չեմ կարող ընդունել, որ քաղաքի մեջ ուրիշ զենք լինի, քան կառավարության զենքը: Սա իմ սկզբունքային մոտեցումն է:

-Բայց լիբանանյան իրականությունը ցույց է տվել, որ զենքը հաճախ պետք է ինքնապաշտպանության համար, և հայերն էլ են դիմել զենքի իրենց կյանքը և ունեցվածքը պաշտպանելու համար:

– Այն ժամանակները ավարտվել են, հիմա բոլոր միլիցաները անզեն են, բոլորը քրիստոնյա և այլ համայնքները հանձնել են զենքը, և միայն «Հըզբոլլահ»-ն է մնացել, որ զենք է պահում:

-Հայաստանում ընտրությունների արդյունքի վրա մեծ դեր է խաղում ընտրակաշառքը, արդյո՞ք Լիբանանում ևս կա նման երևույթ:

-Հայ թեկնածուները նման բան չեն անում, բայց մյուս համայնքների թեկնածուները փորձում են գնել հայի ձայները: Տեղացի թեկնածուներ կան, որոնք միլիոնատերեր են և միլիոններ կթափեն, որ հայ ընտրողների ձայները գնեն: Եվ, դժբախտաբար, կան վաճառվող ձայներ: Չեմ կարծում, որ դրանք մեծ են, բայց իմ մոտավոր հաշիվներով՝ 600-700-ի մոտ, որն այնքան էլ լավ բան չէ: Երբ իրենց կհարցնես, իրենք կուրանան քվե վաճառելը, բայց իրականում այդ երևութը ցավալիորեն կա:

-Որքա՞ն է մեկ քվեի արժեքը:

-Այս պահին տեղեր կան, որ 300 դոլարով կգնեն, տեղեր կան, որ 500 դոլարով կգնեն, տեղեր կան հազար դոլարով կգնեն, գինը օրվա համաձայն է: Ընտրության օրը թիվը կհասնի 2 հազար դոլարի:

-Պատգամավոր ընտրվելու դեպքում ո՞րն է լինելու ձեր առաջին քայլը:

-Գիտեք, խորհրդարանի դերը օրենքներ ստեղծելն է, և ես խոստացել եմ, որ իմ ստորագրությունը չեմ դնելու այնպիսի օրենքների տակ, որոնք կվատացնեն մարդկանց կյանքը: Ես այս ժողովրդից մեկն են, և այն ինչ լավ է ժողովրդի համար, լավ է ինձ համար: Ամբողջ կյանքս օգտակար եմ եղել իմ ժողովրդին և շարունակելու եմ ձեռքիս եկածն անել մեր ժողովրդին օգտակար լինելու համար:

-Կասե՞ք կոնկրետ մի քայլ, որը պատրաստվում եք իրականացնել:

-Մեկ քայլով, մեկ հարցով բան չի փոխվի, երկրում հազարավոր խնդիրներ կան: Միայն վերջին մեկ տարում 400 գործատեղ է փակվել Բեյրութում: Եթե հաշվենք, որ ամեն մի ֆաբրիկայում 10 աշխատող՝ կստացվի, որ 4 հազար մարդ է անգործ մնացել: Բազմաթիվ քայլեր են պետք այս վիճակից դուրս գալու համար:

Բաժիններ
Ուղիղ
Լրահոս
Որոնում