SpaceX ընկերության հիմնադիր Իլոն Մասկը հայտարարել է, որ երկու տիեզերագնաց Crew Dragon մասնավոր տիեզերանավով կուղևորվեն ՄՏԿ՝ 2019 թվականի ապրիլին: Այս մասին տեղեկանում ենք NASA-ի զեկույցից:
Փաստաթղթի համաձայն՝ երկրորդ փորձնական թռիչքը նշանակված է 2019-ի նոյեմբերին: Տիեզերանավը, որով ուղևորվելու են տիեզերագնացները մշակված է Commercial Crew Development ծրագրի շրջանակներում: Այն տիեզերք է բարձրանալու Falcon9 հրթիռակրի միջոցով:
Ավելի վաղ SpaceX-ը արձակել էր Falcon 9 հրթիռակիրը երկու արբանյակների հետ միասին՝ «համաշխարհային համացանցի» բաշխման և PAZ կառավարական արբանյակը՝ ռադիոտեղորոշիչ հետազոտման համար: