Երեկ՝ ապրիլի 3-ին Ղրղզստանի և Տաջիկստանի սահմանին սահմանամերձ գյուղերի բնակիչների միջև վեճ է ծագել։ Այս մասին հաղորդում է «Ֆերգանա»-ն՝ վկայակոչելով Ղրղզստանի պետական սահմանապահ ծառայության մամլո ասուլիսը։ Ղրղզական Ուչ Դոբո և տաջիկական Խոջա Ալո գյուղերի բնակիչների միջև վեճի պատճառը սահմանին դարպասի տեղադրումն է եղել։ Չնայած որ Ուչ Դաբո սահմանամերձ գյուղում արգելված են ցանկացած տնտեսական աշխատանքներ, բնակչուհին փորձել է սահմանը դարպասով անջրպետել, ինչը վրդովեցրել է Խոջա Ալոյի բնակիչներին։ Հնչեցրած վիրավորանքներից հետո բնակիչները միմյանց ուղղությամբ քարեր են նետել։ Նշվում է, որ երկու կողմից վեճին շուրջ 50 մարդ է մասնակցել։
Կողմերին հաջողվել է հանգստացնել կես ժամ անց։
Ղրղզական աղբյուրի համաձայն՝ վեճը բռնկվել է , երբ տաջիկները փորձել են բեռնարկղեր տեղադրել Ուչ Դոբոյի տարածքում գտնվող խանութի կողքին, որից հետո ղրղզական գյուղի բնակիչները որոշել են անջրպետել գյուղը։