Այն քաղաքական ուժերը, որոնք չեն միավորվի ու ընդհանուր հարթակ չեն ձևավորի, անկախ պատճառաբանությունից սպասարկելու են իշխանության և անձամբ Սերժ Սարգսյանի շահերը: Այս մասին «Առաջին լրատվական»-ի հետ զրույցում նշեց «Ժառանգություն» կուսակցության առաջնորդ Արմեն Մարտիրոսյանը:
«Հասարակությունը միավորում է ցանկանում: Այս պահին «Ժառանգությունը» իր կուսակցական դրոշը վայր է դրել, մեր կուսակցական «ես»-ը մի կողմ ենք դրել և ապակուսակցկան հարթակի ենք աջակցում»,-ասաց Մարտիորսյանը:
Ինչ վերաբերում է «Սասնա ծռեր» խմբավորման անդամ Վարուժան Ավետիսյանի ապստամբելու կոչին, Արմեն Մարտիրոսյանը նկատեց․ «Այնպես չէ, որ Վարուժան Ավետիսյանի ասածը ինձ համար ուղեցույց է»: