Չինաստանը ֆանտաստիկա ժանրին պատկանող որակյալ գրականության կենտրոններից է: 2015 թվականին դա ապացուցել է Լյու Ցիսին անունով գրողը, ով տարվա լավագույն ֆանտաստիկ վեպի համար դարձավ «Հյուգո» մրցանակի դափնեկիրը: Վեպը «Երկրի անցյալի մասին հիշողություն» եռահատորյակից էր և կոչվում էր «Երեք մարմինների առաքելությունը»: Հենց այդ շարքի հեղինակային իրավունքներն է թիրախավորել Amazon-ը: Այդ մասին տեղեկացնում է internetua.com-ը:
Տեղեկության համաձայն՝ ընկերությունը պատրաստվում է եռահատոր աշխատությունը երեք եթերաշրջան ունեցող սերիալի վերածել: Հեղինակային իրավունքները ստանալու համար ամերիկացիները պատրաստ են վճարել 1 մլրդ դոլար: Նման խոշոր հումքը թույլ կտա Amazon-ին հաջող մրցակցության մեջ մտնել Netflix-ի հետ: