Air France ավիաընկերությունը նախատեսում է իրականացնել ուրբաթ օրվա համար ծրագրված չվերթների 76%-ը՝ չնայած օդաչուների և ուղեկցորդների գործադուլին: Այդ մասին տեղեկացնում է telegraf.com-ը:
Փարիզի Շարլ դե Գոլ օդանավակայանից երկարաերթուղի չվերթների ծրագիրը կիրականացվի 80, իսկ միջին երթուղիներով չվերթներինը 70 տոկոսով: Փարիզյան Օրլի և տարածաշրջանային այլ օդանավակայաններից կարճ երթուղիների ծրագրերը նախատեսվում է իրականացնել 80%-ով:
Air France-ի գնահատմամբ՝ 10 արհմիությունների նախաձեռնած գործադուլին կմասնակցի օդաչուների մոտ 31,6%-ը, իսկ ուղեկցորդների 28%-ը: Աշխատակիցները պահանջում են բարձրացնել աշխատավարձը 6%-ով, ինչն ընկերության ղեկավարությունը համարում է անհնար:
