Ադրբեջանում դժգոհ են Ռուսաստանի մատակարարծ զենքի որակից, նշվում է Լեհաստանում տպագրվող «Беларуская Праўда»-ի հրապարակման մեջ:
Նշվում է, որ 2017 թվականին ռազմա-տեխնիկական համագործակցության ռուս-ադրբեջանական փակ նիստի ժամանակ Բաքուն հարց է բարձրացրել և առանձնակի ուշադրություն է հրավիրել՝ Ադրբեջանին ռուսական ռազմական տեխնիկայի մատակարարման Ռուսաստանի պարտավորությունների վրա՝ իրականացված և գործող պայմանագրերի շրջանակներում:
Հիմնական բողոքները վերաբերել են «մատակարարված տեխնիկայի անհամապատասխանությանը պայմանագրով նշված տեխնիկական լրակազմի ցուցակին, տեխնիկական փաստաթղթերի բացակայությանը, գործարանային խոտանի պատճառով որոշ զենքերի շարքից դուրս գալուն, ինչպես նաև վերանորոգման համար լրացուցիչ պահեստամասերի բացակայությանը»:
Բացի այդ, ադրբեջանական կողմը նշել է, որ «Սմերչ» տեսակի հրթիռները չեն պայթում կրակելիս, БТР-82А հրանոթների ռազմամթերքը չի հասնում նշանակետին, իսկ Mi-35 ուղղաթիռների շարժիչը չի լինում գործարկել: