Միացյալ Նահանգների Facebook ընկերության ղեկավար Մարկ Ցուկերբերգը, ընկերություն, որին Է պատկանում համանուն սոցիալական ցանցը, Կոնգրեսում ելույթ կունենա ապրիլի 12-ին: Մարտի 27-ին այս մասին հայտնել Է Bloomberg գործակալությունը:
Ինչպես նշել Է գործակալությունը, այս տեղեկատվությունը հավաստել Է Կոնգրեսի մի աղբյուր, ինչպես նաեւ ընկերության ներկայացուցիչը: Ավելի վաղ CNN հեռուստաալիքը, վկայակոչելով աղբյուրներ, հայտնել Էր, որ Facebook-ում «այժմ պատրաստում են ռազմավարություն», որին Ցուկերբերգը կհետեւի ելույթի ժամանակ: Ընկերությունն ընթացիկ ամսում ավելի վաղ հայտնվել Է սկանդալի կենտրոնում:
Դա տեղի Է ունեցել այն բանից հետո, երբ The New York Times թերթը հաղորդել Է, որ Մեծ Բրիտանիայի Cambridge Analytica ֆիրմային հաջողվել Է հավաքել Facebook սոցիալական ցանցի ավելի քան 50 միլիոն օգտատերերի անձնական տվյալները, որպեսզի ընտրողների քաղաքական գերադասությունների վերլուծության ալգորիթմ մշակի: Ինչպես հրատարակությանը պատմել են ընկերության նախկին աշխատակիցները, ստեղծված ալգորիթմը հեշտացրել Է քաղաքական գովազդի առաքումն օգտատերերին՝ նրանց ձայների վրա ազդելու համար:
Ավելի վաղ Ցուկերբերգը հրաժարվել Է պատասխանել բրիտանացի խորհրդարանականների հարցերին աշխարհի խոշորագույն սոցիալական ցանցի միլիոնավոր օգտատերերի անձնական տվյալների նկատմամբ չարաշահումների հետաքննության շրջանակներում: Ցուկերբերգին լսումներին մասնակցելու Էր հրավիրել Դեմիեն Քոլինսը՝ բրիտանական խորհրդարանի այն կոմիտեի ղեկավարը, որը պատասխանատու Է հետաքննության համար, հաղորդել Է ՏԱՍՍ-ը: