Ուկրաինայի Ազգային Ոստիկանության աշխատակիցները Կիևի շրջանում բռնել են Վրաստանի 45-ամյա բնակիչ, օրենքով գող Ռամազ Ցիկորիձեին՝ «Բաղդադցի Ռամազ» մականունով։
Ցիկորիձեն օրենքով գող է կնքվել 1998 թվականին։ Ուկրաինա նա ժամանել է 2011 թվին։ Այս տարիների ընթացքում նրան մի քանի անգամ բռնել և արտաքսել են երկրից, սակայն նրան կրկին հաջողվել է այլ անուններով մուտք գործել Ուկրաինայի տարածք։
«Պարզվել է, որ «Բաղդադցի Ռամազը» կապ է պահել մյուս «օրենքով գողերի» հետ, հանդիպումների ժամանակ նրանք պայմանավորվել են հանցավոր աշխարհում ազդեցության ոլորտների վերաբաժանման մասին։
Ուղղություները, որոնք փորձել է իր ձեռքն առնել Վրաստանի քաղաքացին, վերաբերել են բիզնեսների առգրավմանն ու բնակարանային գողություններին»,– ասել է Կիևում Ազգային ոստիկանության գլխավոր վարչության ղեկավարը։
Տվյալ պահին օրենքով գողը գտնվում է Չեռնիգովշչինայում, արտասահմանցիների ընդունման ժամանակավոր կետում։ Նա քաղաքացիություն չունի։ Գողի անձնական տվյալների պաշտոնական ճշտումից հետո կորոշվի Ուկրաինայի սահմաններից նրան վտարելու հարցը։