Գերմանիան արտաքսել է Վրաստանի քաղաքացիների հերթական խմբին։ Այս անգամ հատուկ չվերթով Թբիլիսի է ուղարկվել 50 մարդ, որոնք փորձել են փախստականի կարգավիճակ ստանալ։ ԵՄ առաջնորդները՝ Գերմանիան և Ֆրանսիան Վրաստանին զգուշացրել են առանց մուտքի արտոնագրի ռեժիմի «մեխանիզմի դադարեցման» բարձր հավանականության մասին։
Փետրվարի սկզբին Հյուսիսային Ռեյն-Վեսթֆալիա հողի նախարարների կաբինետի անդամ Յոհախիմ Շտամպը պահանջել է դադարեցնել Վրաստանի քաղաքացիների համար առանց մուտքի արտոնագրի ռեժիմը։ Նրա խոսքով՝ պատճառը փախստականի կարգավիճակ ստանալ փորձող անձանց թվի աննախադեպ մեծացումն է և վրացական հանցախմբերը, որոնք Գերմանիայի համար խնդիր են դարձել։ Նմանատիպ նկատողություննեոր Թբիլիսին ստացել է նաև Եվրահանձնաժողովից։
Մարտի սկզբին միգրացիայի հետ կապված հարցերը քննարկելու համար Թբիլիսի են ժամանել Գերմանիայի ԱԳՆ և ՆԳՆ ներկայացուցիչները։ Նրանք պաշտոնապես հայտարարել են, որ Բեռլինը կրճատում է Վրաստանի քաղաքացիների՝ ապաստան ստանալու համար քննարկվող հայցադիմումների քանակը։
Մի քանի օր անց Ֆրանսիայի դեսպան Պակսալ Մոնյեն հայտարարել է, որ ապաստան ստանալու համար բոլոր հայցադիմումները կմերժվեն, քանի որ դրանք բավարարելու ոչ մի օբյեկտիվ պատճառ չկա։ Վրաստանը ոչ պատերազմական, ազատ, ժողովրդավարական և զարգացող երկիր է։
Վրաստանի ղեկավարությունն արձագանքել է իրավիճակին՝ խոստանալով աշխատել բնակչության՝ տեղեկացված լինելու ուղղությամբ։