Ամերիկացիներ Սեմ Չերկինը և Ուիթ Ռիգալը հիմնել են օղու նոր ապրանքանիշ՝ Misadventure, որը ամբողջությամբ պատրաստված է վերամշակված սննդի մնացորդներից:
Հարավային Կալիֆորնիայի օղի արտադրող արտադրամասերից մեկում տեղական սննդամթերքի բանկից ամեն շաբաթ հավաքվում են մինչև 1200 ֆունտ (մոտ 544 կգ) չորացրած հացաբուլկեղենի մնացորդներ, ինչից էլ ստանում են ալկոհոլը, որը մատակարարվում է Կալիֆորնիայում գտնվող բարեր, ռեստորաններ և մանրածախ առևտրի ցանցեր, հաղորդում է Rodovid-ը:
«Մենք ուզում էինք սննդամթերքի մնացորդներն օգտագործել, հեռացնել դրանք թափոնների հոսքից և ստեղծել համեղ բան: Մենք ուզում ենք ցույց տալ, որ վերամշակման հետևանքով ստացված մթերքն ավելի բարձրորակ կարող են լինել, քան այլ եղանակներով ստացվածը»,- ասում են հիմնադիրները:
Չնայած մնացորդներից պատրաստված ալկոհոլը կարող է ոչ այդքան ախորժալի լինել, սակայն պատրաստման եղանակը նույնն է, ինչ մյուս ալկոհոլային ըմպելիքների դեպքում: Հացը և հացաբոլկեղենը խառնվում են իրաի և փափկեցվում, այնուհետև ավելացվում է խմորիչ, որպեսզի սկսվի խմորման պրոցեսը: Եվ արդյունքում ստացվում է ալկոհոլ:
Այս գործընթացը լուծում է ԱՄՆ-ում հսկայական քանակի սննդի թափոնների խնդիրը, որոնք հասնում են միլիարդավոր դոլլարների:
