Մարտի 21-ին ԵՄ-ն ներկայացրեց իր արտաքին ներդրումային ծրագիրը Վրաստանի մայրաքաղաք Թբիլիսիում:
Ծրագրի համաձայն, ԵՄ-ն 2017-2020 թվականներին ներդրումներ կանի ավելի քան 70 երկրների պետական և մասնավոր սոեկտորներում` ներառյալ Վրաստանը և ԵՄ-ի արևելյան այլ երկրներ: Այն նպատակաուղղված է Եվրոպական հարևանության երկրներում ավելի լայն և կայուն զարգացմանը:
Թբիլիսիում կազմակերպված միջոցառումը տարածաշրջանում մասնավոր և հանրային ոլորտների տեղեկատվական և կրթական մի շարք միջոցառումների մասն է:
Հարևանության և ընդլայնման հարցերով բանակցությունների գլխավոր տնօրենի տեղակալ Կատարինա Մեթերնովան ընդգծել է, որ Եվրամիության կողմից Վրաստանում և արևելյան այլ երկրներում մասնավոր և պետական սեկտորներում ներդրումների ծրագիրը տնտեսական աճի խթանման խիստ պարտավորության ևս մեկ ցուցանիշ է:
