ԱՄՆ նախագահ Դոնալդ Թրամփը հայտարարել է, որ մարտի 23-ին իր հաստատած 2018 ֆինանսական տարվա բյուջեն թույլ կտա հատկապես ուժեղացնել ամերիկյան բանակը։ Այս մասին նա ասել է Սպիտակ տանն իր ելույթի ժամանակ։
«Մենք կունենանք ամենահզոր բանակը՝ մեր ամբողջ պատմության ընթացքում»,-ընդգծել է Թրամփը՝ հավելելով, որ շատ կարևոր է հզոր զինված ուժեր ունենալը։
Մասնավորապես 3․8 մլրդ դոլար կհատկացվի 34 նավ գնելու համար։
10․2 մլրդ դոլար նախատեսված է հինգերորդ սերնդի F5 90 կործանիչ-ռմբարկու գնելու համար։
«Դրանք դժվար է տեսնել, այդ պատճառով էլ դժվար է հաղթելը։ Դժվար է հարվածել ինքնաթիռին, որը տեսնել հնարավոր չէ»,-ասել է Դոնալդ Թրամփը։
2․9 մլրդ դոլարով ԱՄՆ-ն 15 լիցքավորող ինքնաթիռ՝ Boeing KC-46 կգնի։
Եվս 1․8 մլրդ դոլարով նախատեսված է 24 F/A-28E/F Super Hornet կործանիչ ռմբարկու ձեռք բերել։
1․7 մլրդ դոլարով 10 պարեկային հականավակային Boeing P-8 Poseidon ինքնաթիռ ձեռք կբերվի։
ԱՄՆ զինված ուժերը կստանան նաև 56 UH-60 Black Hawk ուղղաթիռ, ևս 1․1 մլրդ դոլար նախատեսված է M1 Abrams 85 տանկի մոդեռնիզացման համար։
