ԱՄՆ արդարադատության նախարարությունը 9 իրանցիների հարյուրավոր համալսարաններից, մասնավոր ընկերություններից և պետական հաստատություններից գաղտնի տվյալներ գողանալու մեջ է մեղադրել։ Այս մասին հաղորդում է The Associated Press-ը։
Իրանցիներին մեղադրել են այն բանում, որ գործելով Իրանի կառավարական կազմակերպության անունից՝ Իսլամական հեղափոխության պահապանների կորպուսի, կոտրել են ԱՄՆ-ում և արտերկրում գործող շուրջ 320 համալսարանի համակարգչային համակարգերը, որպեսզի գողանան թանկարժեք գիտական և ինժեներական հետազոտությունները, որոնք հետո օգտագործել է Իրանի կառավարությունը։
Ցանցահեններին նաևմեղադրում են կառավարական կազմակերպությունների, ինչպես նաև մասնավոր հատվածի ցանցեր ներթափանցելու մեջ, ներառյալ՝ տեխնոլոգիական և իրավաբանական ընկերությունները։
Արդյունքում նրանք 31 տերաբայթ տվյալներ են գողացել։
ԱՄՆ արդարադատության նախարարությունում հայտարարել են, որ ցանցահենները կապված են եղել Mabna Institute իրանական ընկերությսն հետ, որը նախկինում Իրանի կառավարության հետ պայմանագիր էր կնքել՝ համակարգչային ցանցեր կոտրելու համար։
