2016 թվականին Թուրքիայում քաղաքացու կարգավիճակից ընդհանուր առմամբ 24 հազար 545 քաղաքացի է հրաժարվել, այն դեպքում, երբ նույն ժամանակահատվածի ընթացքում 14 հազար 194 արտասահմանցի թուրքական քաղաքացիություն է ստացել։
Այս մասին հաղորդել է Թուրքիայի ՆԳՆ Ազգաբնակչության և քաղաքացիության հարցերով գլխավոր վարչությունը։
Վարչությունը հրապարակել է այս տվյալները պատգամավոր Այլին Նազիակի հայցին ի պատասխան, ով պահանջել էր տվյալներ տրամադրել Թուրքիայի քաղաքացիությունից հրաժարված քաղաքացիների և Թուրքիայի քաղաքացիություն ընդունած արտասահմանցիների թվաքանակի վերաբերյալ։
Վարչությունը տրամադրել է 2016 թվականի տվյալները, հայտարարելով, որ 2017–ի տվյալները դեռևս պատրաստ չեն։
Ներկայացված տվյալների համաձայն՝ 2016 թվականին Թուրքիայի քաղաքացիություն ստացած ամենամեծ խումբը սիրիացիներն են եղել, որոնց թիվը հասել է 3 հազար 429 մարդու, իսկ ամենափոքր խումբը՝ 62 մարդ, չինացիներն են եղել։
Թուրքական քաղաքացիությունից հրաժարվածների մեծամասնությունը Գերմանիայի քաղաքացիներ են եղել՝ 20 հազար 692 քաղաքացի։