Tesla-ի և Space X-ի ղեկավարը կարգադրել է Facebook-ից հեռացնել ընկերության պաշտոնական էջերը։ Դա տեղի է ունեցել այն բանից հետո, երբ Twitter-ի օգտատերերը սոցցանցի զանգվածային բոյկոտ են հայտարարել՝օգտատերերի անձնական տվյալների արտահոսքի պատճառով։
Միկրոբլոգերի հարթակի օգտատերերից մեկը անձամբ է դիմել Մասքին. «Եթե տղամարդ ես, կհեռացնե՞ս Space X-ի էջը Facebook-ից»։
Միլիոնատերը հաղորդել է, որ չի իմացել դրա գոյության մասին, բայց խոստացել է կատարել խնդրանքը։
Ավելի ուշ Մասքին դիմել են նաև Tesla-ի էջի կապակցությամբ. «Սա էլ է պետք հեռացնել, ճիշտ չէ՞»։ Դրանց նույնպես Մասքը դրական է պատասխանել։
Օգտատերերը կոչ են արել հեռացնել նաև Tesla-ի և Space X-ի Instagram-ի էջերը, սակայն Մասքը նախընտրել է չարձագանքել նրանց այդ խնդրանքներին։
Հիշեցնենք, որ մարտի 19-ին հայտնի էր դարձել Facebook-ից 50 միլիոն օգտատերերի անձնական տվյալների արտահոսքի մասին։