Իսպանացի ոստիկանները 38 նիգերիացի կանանց և աղջիկների են փրկել, ովքեր անօրինական կերպով երկիր էին բերվել՝ մարմնավաճառությամբ զբաղվելու համար։ Այս մասին հաղորդում է BBC News-ը։
Կանանց տեղափոխման մեջ օգնել էր հայտնի նիգերիացի դիջեյը։ Հենց նա էլ պայմանավորվել է այդ աղջիկների հաճախորդների հետ։ Տղամարդուն բռնել են, երբ նա Իսպանիա է վերադարձել նոր տեսահոլովակի նկարահանման համար։ Ընդհանուր առմամբ 89 մարդ է ձերբակալվել։
Կավատի հետքի վրա հաջողվել է ընկնել անչափահասի հաղորդագրությունից հետո, ով պատմել է, որ իրեն այս ցանցի մեջ են ներգրավել՝ վախեցնելով վուդուի ծեսերով։ Ավելի ուշ պարզվել է, որ բոլոր կանանց պահել են սարսափելի պայմաններում, քարանձավներում և մշտապես վախեցրել են մոգական ծիսակարգերով։