ԱԺ-ում այսօր՝ մարտի 23-ին, անցկացվում է արտահերթ նիստ կառավարության նախաձեռնությամբ: Քննարկվում է Տնտեսական պաշտպանության մասին օրենքում փոփոխություններ անելու մասին օրենքի նախագիծը 2-րդ ընթերցմամբ ընդունելու հարցը:
«Ելք» խմբակցության պատգամավոր Էդմոն Մարուքյանը իր ելույթում հայտարարեց, որ իրենք 2 տարի առաջ առաջարկել են ապակուսակցականացնել Տնտեսական պաշտպանության պետական հանձնաժողովը, ինչը մերժվեց. «Քանի որ Արտակ Շաբոյանը ՀՀԿ խորհրդի անդամ է, նա չի կարող հետապնդել ՀՀԿ-ական գործարարներին մրցակցության լույսի ներքո և մրցակցությունը պաշտպանել»:
Նրա խոսքով՝ հիմա նույն մարդը էստեղից հայտարարում է, որ դա խայտառակություն է, կուսակցական լինելը կաշկանդում է. «Պարոն Շաբոյան, ուրեմն Դուք այլևս չպիտի լինեք հանձնաժողովի անդամ՝ Ձեր իսկ ներկայացրած պնդումների հիման վրա»:
Էդմոն Մարուքյանը նշեց, որ այդ պնդումները ոչ մի կապ չունեն ազատ մրցակցության կամ ազատ մարմնի հետ. «Դա աբսուրդ է: Մենք ընտրում ենք ՄԻՊ, ՍԴ անդամ, ԲԴԽ անդամ. ինչ ասես՝ ընտրելու է էս խորհրդարանը, ուրեմն էդ մարդիկ կաշկանդվա՞ծ են՝ ըստ Ձեր հիմնավորումների»:
Մանրամասները՝ տեսանյութում: