Հակոբ Օշականի անվան թիվ 172 դպրոցի տնօրեն Գայանե Մկրտչյանը զարմացած և վիրավորված է համացանցում իր ղեկավարած դպրոցի և իր հասցեին տարածվող վիրավորանքներից։
Նշենք, որ այս դպրոցում նախօրեին «Աշխարհն իմ աչքերով» խորագրի ներքո «Ռուսաստանն իմ հայրենիքն է» կարգախոսով միջոցառում էր անցկացվել, որի ժամանակ աշակերտները ՌԴ դրոշով, նրանց տարազին բնորոշ հագուկապով ներկայացրել էին Ռուսաստանը։ «Մենք ճանաչողական շարք ենք իրականացնում․ Դասարանները հերթով ներկայացնում են աշխարհի տարբեր երկրներ։ Դա զուտ դերակատարում է եղել, երեխաները տեղափոխվել են այդ երկիր, ասենք Իտալիա, Հնդկաստան, Մոլդովա, Չինաստան, Ուկրաինա, Միացյալ Թագավորություն, Ճապոնիա: Երեխաները վերցրել են տվյալ երկրի կարգախոսը: Ես հասկանում եմ, որ գուցե սխալ էր այդ կարգախոսը վերցելը։ Մենք գիտեինք ինչ նպատակ ենք դրել, բայց պետք է ենթադրեինք, որ նման արձագանք էր լինելու, քնաի որ մարդիկ միայն լուսանկարը նայելով չէին կարող հասկանալ մեր նպատակը»,-«Առաջին լրատվական»-ի հետ զրույցում ասաց տիկին Մկրտչյանը։
Նա ասաց, որ աշխարհաճանաչողության իրենց շարքի վերջին միջոցառումը նախատեսված է կազմակերպել մայիսին և այն նվիրված է լինելու Հայաստանին՝ «Ձոն Հայաստանի» խորագրով։ «Մենք գովերգելու ենք Հայաստանը, ներկայացնելու ենք, որ մենք շրջեցինք աշխարհից աշխարհ և Հայաստանից լավ այլ տեղ չկա։ Դե հիմա ասեք՝ այստեղ ինչ ստրկամտություն կա, որն է ծառայամտությունը»։
Գայանե Մկրտչյանն ասաց նաև, որ ինքը երբեք քաղաքականացված դեմք չի եղել, չունի կուսակցական պատկանելություն և միշտ աշխատել է դպրոցը հեռու պահել քաղաքականությունից։
Առավել մանրամասն՝ տեսանյութում