Վրաստանում զինակոչիկները, որոնք, կրոնական նկատառումներից ելնելով, չեն ցանկանա զինծառայություն անցնել, պետք է ծառայություն անցնեն Վրաստանի արտակարգ իրավիճակների վարչությունում։ Այս մասին հաղորդում է Imedi հեռուստաընկերությունը՝ վկայակոչելով իշխանությունների նոր նախաձեռնությունը։
Երկրի իշխանությունները մտածեցին օրենսդրության փոփոխության մասին, երբ «Գիրչի» կուսակցությունը սկսեց օգնել երիտասարդներին զինծառայությունից խուսափելու հարցում։
Օրենքի համաձայն՝ երիտասարդը, ով փաստաթուղթ կներկայացնի, որ հոգևոր սպասավոր է, կարող է տարկետում ստանալ։ Արդյունքում «Գիրչի»-ի շնորհիվ իշխանությունները կարողացան բանակ զորակոչել միայն 3000 զինծառայողի։
Արտակարգ իրավիճակների վաչությունում այլընտրանքային ծառայություն անցնելուց հետո քաղաքացիները արտակարգ իրավիճակների վարչության ծառայությունում աշխատանքի անցնելու հնարավորություն կունենան։
«Նրանք (զինակոչիկները) նաև նախապատրաստական փուլ կանցնեն, ինչը ենթադրում է հիմնական հմտությունների ձեռքբերում։ Մենք նաև այդ մարդկանց համար մեզ մոտ աշխատանքի անցնելու պայմաններ կստեղծենք։ Սա պետության պատասխանն է այն քարոզարշավին, երբ, կրոնական նկատառումներից ելնելով, բանակից խուսափելն առողջ բնույթ չի կրում»,-ասել է երկրի ՆԳ փոխնախարար Շալվա Խուցաշվիլին։
