Վաղը ԱԺ արտահերթ նիստ կհրավիրվի։ Մի շարք օրենքներում փոփոխություններ կատարելու առաջարկը կառավարությանն է։ Ընդհանրապես, ներքաղաքական մարաթոնին մասնակցելու կառավարության ձգտումը քիչ է տարբերվում ԱԺ-ի նպատակից։ Ի վերջո նպատակը մեկն է․ հարկավոր է կարգի բերել ոչ միայն քաղաքական հարթակը, այլև այդ հարթակին ծառայող օրենքները։ Առերևույթ, կարծես, գործ ունենք բնականոն կոնսենսուսի հետ նպատակի և միջոցների միջև։ Վերջապես եթե այսօր դա հնարավոր է, ինչու չազատել իշխանության նոր կազմին հավանական դիսկոմֆորտից։ Ներկա փուլում կառավարության աշխատանքում չի կարող սա առաջնահերթ չլինել։
Ավելին, շատ դեպքերում հենց ինքնաապահովագրման բնազդն է թելադրում կառավարության ներկայացրած տնտեսական ցուցանիշների այս ներկապնակը, որով մենք գրեթե բոլոր ոլորտներում ենք զարգանում։ Իրականության հետ համապատասխանությունը հետո կլինի, երբ քաղաքական օրակարգն այլևս կապ չի ունենա այդ իրականության հետ։ Իսկ իրականությունն այն է, որ օր առաջ պետք է տեր կանգնել փոքր ու միջին ձեռնարկատիրությանը․ բոլոր լավ ապրող երկրներում տնտեսության այդ սեգմենտը բարեկեցության ողնաշարն է։ Թեմայի շուրջ «Առաջին լրատվական»-ը զրուցել է ԿԲ նախկին նախագահ Բագրատ Ասատրյանի հետ: