«Ժառանգություն» կուսակցության վարչության նախագահ Արմեն Մարտիրոսյանն «Առաջին լրատվական»-ի հետ զրույցում անդրադարձավ դատարանում հրապարակվող «Սասնա ծռերի» գաղտնալսումներին: «Տպավորությունը, որ կար հասարակության մոտ, այն է, որ սա իշխանությունը վերցնելու փորձ չի եղել, այլ ապստամբության և հասարակությանը ոտքի կանգնեցնելու փորձ է եղել. այդ ձայնագրություններով դա հաստատվեց»,- ասաց նա։
Նրա խոսքով՝ գաղտնալսումների հրապարակումը իրենից ենթադրում է գործընթացների խթանում, այդ թվում՝ ընդդիմության ներսում պառակտում մտցնելու նպատակ, փորձելու խոչընդոտել, որ ընդդիմադիր տարբեր միավորներ միասնական հանդես չգան։
Արմեն Մարտիրոսյանը նշեց, որ զինված պայքարը ուղղված էր պետությունը այս ճգնաժամային վիճակից դուրս բերելուն, և դրա պատճառն իշխանություններն են, ոչ թե «Սասնա ծռերը»: «Իշխանությունները տարիներ շարունակ, մեթոդաբար վերացրին քաղաքական դաշտը, աղյուսակ առ աղյուսակ, պատ դնելով՝ վերացրին քաղաքական պայքար հասկացողությունը։ Եվ իրենք գնացին զենքի ուղղությամբ։ Դա աշխարհում երկրորդ ընդունված միջոցն է»,- ասաց Արմեն Մարտիրոսյանը՝ հավելելով, որ «Սասնա ծռերի» խոսակցությունների մի մասը ուղղված էր նրան, թե ինչու են դա անում։
Ամբողջությամբ՝ տեսանյութում։