Նաիրիտցիները այսօր կրկին հավաքվել են Կառավարության շենքի առջև՝ պահանջելով «Նաիրիտի» վերագործարկումը:
Նրանց խոսքով՝ դա ոչ միայն կաուչուկի արտադրություն է, այլև ապահովում է Երևան ՋԷԿ-ի, ատոմակայանի անվտանգությունը. «Իսկ թե ինչու կառավարությունը չի ուզում քայլեր ձեռնարկել, դա կառավարության խնդիրն է, բայց իրենց ընդունած ծրագիրը մեզ համար հիմք է: Եվ եթե իրենք իրոք նպատակ ունեն զարգացնել երկրի տնտեսությունը, ապա պետք է ձեռնամուխ լինեն «Նաիրիտի» վերագործարկմանը»:
Մեր զրուցակցի խոսքով՝ իրենք անձնական խնդիր ունեն ներդրողի՝ Աշոտ Գրիգորյանի հետ. «Այսինքն՝ անձի խնդիր է, բայց մեզ համար մեկ է, թե ով կլինի ներդրողը. մեզ պետք է, որ գործարանը աշխատի»:
Հարցին՝ ի՞նչ ակնկալիք ունեք ապագա կառավարությունից, մասնավորապես Սերժ Սարգսյանից, որը ամենայն հավանականությամբ ապրիլից հետո կդառնա երկրի վարչապետը, մեր զրուցակիցն ասաց. «Սերժ Սարգսյանը արդեն բավական ժամանակ է՝ ղեկավարում է, և ունի հսկայական փորձ: Իր կառավարման օրոք տնտեսական բնագավառում մենք լավ բան չենք տեսել: Բայց հույս ունենք, որ իրենք իրենց առջև խնդիր կդնեն փոխվելու»:
Մանրամասները՝ տեսանյութում:
