Հայաստանի լավագույն ֆուտբոլիստների մրցանակաբաշխության արարողությունից հետո, երրորդ պարգը ստացած Եկատերինբուրգի «Ուրալի» պաշտպան Վարազդատ Հարոյանը անդրադարձավ նաև Էստոնիայի և Լիտվայի հավաքականների հետ կայանալիք առաջիկա հանդիպումներին:
«Արդեն ուսումնասիրել ենք մրցակցին` Էստոնիայի հավաքականին, լավ թիմ է: Բարձրահասակ, ատլետիկ տղաներ են: Մենք չենք զիջում ոչ Էստոնիայի, ոչ էլ` Լիտվայի թիմերին: Պետք է պայքարենք, որ մինչև Ազգերի լիգայի մեկնարկը հաղթենք ընկերական բոլոր 4 ընկերական խաղերում: Հիմա լավ մարզավիճակում եմ և պատրաստ եմ խաղերին»,- ասաց Հարոյանը:
Վերջինս նա խոսեց նաև տարվա լավագույն ֆուտբոլիստների եռյակում ընդգրկվելու մասին. «Շատ հաճելի է տարվա լավագույն ֆուտբոլիստների եռյակում հայտնվելը: Թեկուզ երրորդն եմ, բայց ուրախ եմ: Պետք է ավելի շատ աշխատել, ավելի շատ մարզվել և պայքարել բարձր տեղերի համար»,- հավելեց Հարոյանը:
Մարնարասները՝ Տեսանյութում
