Նախկին ոստիկանապետ, ԱԺ ՀՀԿ խմբակցության պատգամավոր Ալիկ Սարգսյանը վստահեցնում է՝ նախկին վարչապետ Հովիկ Աբրահամյանի հետ «սառը» հարաբերություններն այլ փուլ չեն մտել։ Իր խոսքերով՝ Հովիկ Աբրահամյանին վերջին տարիներին անգամ հարսանիքների, թաղումների ժամանակ տեսնելու առիթ չի ունեցել։ Նախկին ոստիկանապետը մտացածին է համարում այն խոսակցությունները, որ Հովիկ Աբրահամյանը պատրաստվում է ակտիվանալ, հարաբերությունները մեղմացրել է նաև Ալիկ Սարգսյանի հետ, որ վերջինս նաև միջնորդի դեր ստանձնի։
«Որևիցե գործում միջնորդի դեր չեմ պատրաստվում ունենալ։ Ես չեմ կարծում, թե նրան պետք եմ, իմ կարիքն ունի ինչ-որ հարցով։ Ինչ վերաբերում է հարաբերություններին, ապա որևիցե սուր փուլ չի եղել, ես էլ երբեք էս սառնությունը հարաբերությունների մեղմացման հետ չեմ կապում, դրանք շատ սովորական մարդկային հարաբերություններ են»,- շեշտեց նա։
Մանրամասները՝ տեսանյութում։