Ռուսական ծագում ունեցող բրիտանացին մարմնի 90%-ը ծածկել է դաջվածքներով և հայտարարել, որ դա էլ է դեռ քիչ: Այs մասին հայտնում է Daily Mail-ը:
32-ամյա Ադամ Քուրլիկալեն առաջին դաջվածքն արել է 12 տարի առաջ՝ «I am» կարճ արտահայտությունը, քաղցկեղից բուժվելուց հետո: Հիմա նրա ողջ մարմինը, այդ թվում՝ աչքի խնձորակները, պատված են դաջվածքներով: Ազատ է մնացել մարմնի 10%-ը, որը նա նախատեսում է առաջիկա տարում լրացնել:
«Իմ սիրելի գույնը միշտ մոխրագույնն է եղել: Այդ պատճառով ես օգտագործում եմ մոխրագույնի երանգները: Ես իմ մարմնի 99%-ը ծածկելու եմ դաջվածքներով, սակայն որոշ հատվածներ, այնուամենայնիվ, ձեռք չեմ տա: Իսկ թե որ մասերը, թող մնա իմ գաղտնիքը»,- ասել է նա: