Ամերիիկյան փոփ–երգչուհի և կինոդերասանուհի Բրիտնի Սփիրսը դարձել է Kenzo բրենդի նոր դեմքը։
Այս մասին աստղը հաղորդել է իր Instagram-ի էջում։
La Collection Memento No2 գովազդային արշավը նկարահանվել է լուսանկարիչ Փիթեր Լինդբերգի կողմից՝ Լոս Անջելեսում։ Լուսանկարներում Բրիտնին կարճ ջինսե բաճկոն է ցուցադրում, բարձրակրունկներ, բեյսբոլի շապիկ՝ Kenzo լոգոտիպով՝ 80-ականների ոճով։
«Նկարահանման ժամանակ շատ զվարճալի էր, չնայած սկզբում ես ինձ տարօրինակ էի զգում։ Ես սովոր եմ ֆոտոսեսիաների՝ փոքր տարածքներում, իսկ այս անգամ հենց փողոցում էր։ Իմ հագուստը բավական անկեղծ էր։ Դա անսովոր էր, բայց կադրերում ամեն ինչ հրաշալի է երևում»,– պատմել է երգչուհին՝ Vogue-ին տված հարցազրույցում։
